SIHITAJI MARAFIKI FID Q.

Fareed Kubanda aka Fid Q kesho ataachia video ya wimbo wake mpya uitwao ‘Sihitaji Marafiki’ aliomshirikisha mwanadada Yvonne.

Video hiyo imefanywa na kampuni ya Showbiz Defined iliyochini ya Mike T.

Huenda video hiyo inaweza kurudisha heshima ya kampuni ya Showbiz ambayo hivi karibuni ilikuwa kwenye vita kali kutokana na Mike T kutupiana maneno na director wake wa zamani, Eryne Epidu.

Ugomvi huo ulipelekea Epidu arudi kwao Uganda na kudai kuwa Mike T alimchomea kwa uhamiaji.

Naye Ngosha The Don mwishoni mwa mwezi uliopita alitangaza kuwa ile show yake ya online ya Fid Style Friday itaanza kuoneshwa rasmi kwenye TV za Afrika Mashariki mwezi huu.

Hayo yatakuwa ni mafanikio makubwa kwa rapper huyo mkali nchini kwakuwa show yake itaweza kuangaliwa na watu wengi zaidi.